चिपळूण:- सांबराची शिंगे विक्रीसाठी आणणाऱ्या दोघांना रत्नागिरी स्थानिक गुन्हे शाखेच्या पथकाने शनिवारी रात्री उशिरा ताब्यात घेतले. ही कारवाई मुंबई – गोवा महामार्गावरील परशुराम ,ता. चिपळूण येथील सवतसडा धबधबा येथे करण्यात आली.
पोलिसांनी दिलेल्या माहितीनुसार ताब्यात घेतलेले दोघे परजिल्ह्यातील असून, त्यांच्याकडून एकूण २ लाख रूपयांचा मुद्देमाल हस्तगत करण्यात आला आहे. सांबाराच्या शिंगांची विक्री होणार आल्याची माहिती मिळताच मुंबई-गोवा महामार्गावर चिपळूण शहरालगतच्या परशुराम येथील सवतसडा धबधबा येथे पोलिसांनी सापळा रचला होता. त्याप्रमाणे काही वाहनांची कसून तपासणी केल्यानंतर एका परजिल्ह्यातील संशयित वाहनामध्ये २ सांबरांची भरीव शिंगे मिळाली. या कारवाईमध्ये दोघांवर गुन्हा नोंद केला आहे. दोन सांबराच्या शिंगांसह गाडी व अन्य मुद्देमालही ताब्यात घेण्यात आला आहे.
पोलिस अधिक्षक धनंजय कुलकर्णी व अतिरिक्त पोलिस अधिक्षक जयश्री गायकवाड यांच्या मार्गदर्शनाखाली ही कारवाई करण्यात आली. या कारवाईत पोलिस निरीक्षक हेमंतकुमार शहा, स्थानिक गुन्हे शाखेचे सहायक पोलिस उपनिरीक्षक प्रशांत बोरकर, पोलिस हवालदार सुभाष भागणे, शांताराम झोरे, नितीन डोमणे, बाळू पालकर, पाेलिस नाईक दत्तात्रय कांबळे, चिपळूण पाेलिस स्थानकाचे उपनिरीक्षक पाटील, चिपळूणचे वनरक्षक कृष्णा इरमाले सहभागी झाले होते.
