रत्नागिरी:-शहाळी खरेदीची सुमारे 90 हजार रुपयांची आगाऊ रक्कम ऑनलाईन देऊनही शहाळी न पाठवता रत्नागिरीतील शहाळी विक्रेत्यांची फसवणूक केल्या प्रकरणी गुन्हा दाखल करण्यात आला आहे.
याप्रकरणी कर्नाटक येथील व्यापाऱ्या विरोधात शहर पोलीस ठाण्यात गुन्हा दाखल करण्यात आला आहे. ही घटना 30 एप्रिल 2022 रोजी सायंकाळी 5.16 वा. घडली आहे.
मोहम्मद थांजेल (रा. चन्नाराय पटना राज्य कर्नाटक ) असे गुन्हा दाखल करण्यात आलेल्या संशयिताचे नाव आहे. त्याच्या विरोधात राहुल सुनीत शिवलकर (रा. क्रांतीनगर, रत्नागिरी ) यांनी रविवार 22 मे रोजी रात्री उशिरा पोलिसांकडे तक्रार दिली. त्यानुसार,30 एप्रिल रोजी शिवलकर यांनी मोहम्मद थांजेलला शहाळी खरेदीसाठी आपल्या मोबाईलवरून ऑनलाईन पद्धतीने 90 हजार रुपये आगाऊ पाठवले होते. परंतु थांजेलने ठरलेल्या व्यवहाराप्रमाणे शहाळी न पाठवता फसवणूक केली. याप्रकरणी अधिक तपास सहाय्यक पोलीस निरीक्षक भोसले करत आहेत.
