खेड:- मुंबई-गोवा महामार्गावर 14 रोजी सकाळी 9.30 च्या सुमारास खेड भरणे मार्गावर दुचाकी व बोलेरो यांच्यात भीषण अपघात झाला. यात दुचाकीस्वार गंभीर जखमी झाला आहे. शुभम शंकर जाधव (30, रा. वेरळ) असे त्याचे नाव आहे.
भरणे येथून वेरळ दिशेने जाणार्‍या मोटरसायकने चिपळूण दिशेला जात असलेल्या बोलेरो पिकअप (क्र. एमएच 08 एपी 3645) गाडीला मागून जोरदार धडक दिली. या अपघातात दुचाकीस्वार गंभीर जखमी झाला आहे. खेड भरणे नाका ब्रिज खाली उभी असणारी श्री जगद्गुरु नरेंद्रचार्य महाराज संस्थान नाणीजधाम यांची मोफत रुग्णवाहिका घटनास्थळी पोहोचली. रुग्णवाहिकेतून जखमी दुचाकीस्वार शुभम शंकर जाधव यांना प्रथम उपचारासाठी रॉयल हॉस्पिटल भरणे येथे दाखल करण्यात आले आहे.
