रत्नागिरी:- ग्रामीण भागातील पिडीत कॉलेज तरुणीवर अत्याचार करुन कारागृहात असता तेथून फरार झालेल्या आरोपीला न्यायालयाने ३ हजार रुपये दंड व १० वर्षाचा सश्रम कारावासाची शिक्षा ठोठावली. अनुजकुमार स्वामीनाथ चौव्हान (वय ३५, रा. सडापूर, इंडिया कोर्ट जि. गौंड, राज्य उत्तर प्रदेश) असे आरोपीचे नाव आहे. ही घटना ८ ऑक्टोबर २०११ ही घटना तालुक्यातील ग्रामीणच्या हद्दीत घडली होती. आरोपी चौव्हान याने कॉलेज मधून घरी जाणाऱ्या तरुणीला रस्ता कुठे जातो अशी विचारणा केली. तिच्या मोगोमाग जाऊन ती निर्जन रस्त्यावर आल्यावर तिच्यावर अत्याचार केले.
या प्रकरणी ग्रामीण पोलिस ठाण्यात तक्रार देण्यात आली होती. तक्रारीवरुन पोलिसांनी संशयिताविरुद्ध भादवी कलम ३७६ व ३४१ अन्वये गुन्हा दाखल करुन अटक केली होती, या प्रकरणी पोलिसांनी दोषारोपपत्र न्यायालयात दाखल केले होते. न्यायालयाने आरोपीची कारागृहात रवानगी केली होती. त्यानंतर ऑक्टोबर २०१२ ला आरोपी कारागृहातून फरार झाला होता. त्यानंतर ग्रामीण पोलिसांनी त्याला २०२१ ला उत्तर प्रदेश मधून अटक केली होती. सध्या आरोपी जेलमध्येच होता. बुधवारी आरोपी चौव्हान याला न्यायालयात हजर करण्यात आले. हा खटला अतिरिक्त सत्र न्यायाधीश अंबाळकर यांच्या न्यायालयात झाला. सरकारी पक्षातर्फे जिल्हा सरकारी अभियोक्ता अॅड. अनिरुद्ध फणसेकर यांनी काम पाहिला त्यांनी या खटल्यात ८ साक्षिदार तपासले. न्यायालयाने आरोपीला भादवी कलम ३७६ अन्वये १० वर्षे सश्रम कारावास व ३ हजार रुपये दंड व भादवी कलम ३४९ अन्वये एक महिना सश्रम कारावास व २०० रुपयांची शिक्षा ठोठावली. ग्रामीण पोलिस ठाण्याचे पोलिस निरीक्षक नितिनि ढेरे यांच्या मार्गदर्शनाखाली पैरवी अधिकारी म्हणून सहायक पोलिस उपनिरीक्षक सुनिल आयरे यांनी काम पाहिले.
