रत्नागिरी:- मागील 24 तासात 5 जणांना कोरोनाची लागण झाली आहे. तर याच कालावधीत 98 जणांचे अहवाल निगेटिव्ह आले आहे. या कालावधीत एका रुग्णाचा उपचारा दरम्यान मृत्यू झाला आहे यामुळे जिल्ह्यात कोरोना बळींची संख्या 328 वर पोचली आहे.
मागील 24 तासात नव्याने 5 रुग्ण सापडल्याने जिल्ह्यात आतापर्यंत 9 हजार 174 पॉझिटिव्ह रुग्ण सापडले आहेत. मागील चोवीस तासात 98 जणांचा अहवाल निगेटिव्ह आला आहे. आता पर्यंत 59 हजार 280 जणांचा अहवाल निगेटिव्ह आला आहे.
चोवीस तासात 16 रुग्ण बरे झाले असून आता पर्यंत 8 हजार 676 जण कोरोनामुक्त झाले आहेत. मागील चोवीस तासात जिल्ह्यात कोरोनाने एका रुग्णाचा मृत्यू झाला आहे. जिल्ह्यात कोरोना बळींची संख्या 328 झाली असून जिल्ह्यात रिकव्हरी रेट 94.57 टक्के आहे.
