रत्नागिरी:- कोकण रेल्वेच्या गरीबरथ एक्स्प्रेसने प्रवास करणाऱ्या महिलेची १० हजार २०० मुद्देमाल असलेली पर्स अज्ञात चोरट्याने पळविली. शहर पोलिस ठाण्यात चोरट्याविरुद्ध गुन्हा दाखल करण्यात आला आहे. ही घटना १९ एप्रिलला सायंकाळी पाच च्यासुमारास रत्नागिरी रेल्वेस्टेशन दरम्यान घडली.
पोलिसांकडून मिळालेल्या माहितीनुसार अंबिका चंद्रान आचार्य (वय ५६) या गरीबरथ एक्स्प्रेसमधून झोपून प्रवास करत होत्या. रत्नागिरी रेल्वेस्टेशन दरम्यान त्यांच्या जवळी १० हजार २०० रुपये मुद्देमाल असलेली पर्स चोरट्याने पळविली. या प्रकरणी आचार्य यांनी शहर पोलिस ठाण्यात तक्रार दिली. तक्रारीवरुन पोलिसांनी चोरट्याविरुद्ध गुन्हा दाखल केला आहे.
