रत्नागिरी:- तिवरे ते संगमेश्वर असा दुचाकीवरुन प्रवास करणाऱ्या स्वाराला टेम्पोने धडक दिली. या अपघातामध्ये स्वारासह दुचाकीच्या मागे बसलेला प्रौढ जखमी झाला. उपचारासाठी दोघांनाही जिल्हा शासकीय रुग्णालयात दाखल करण्यात आले आहे.
प्रभाकर पाडूरंग कदम (वय ५८, रा. कन्नामकार, विक्रोळी-ठाणे) व सुदर्शन प्रकाश कदम (वय ४२, रा. असगावरोड, ठाणे) अशी जखमींची नावे आहेत. ही घटना रविवारी (ता. २६) रात्री सव्वादहाच्या सुमारास कारभाटले रस्त्यावर घडली. पोलिसांकडून मिळालेल्या माहितीनुसार प्रभाकर व सुदर्शन हे दोघे दुचाकीवरुन तिवरे ते संगमेश्वर असे जात असताना कारभाटले येथील रस्त्यावर आले. त्यावेळी समोरुन येणारा टेम्पो (क्र. एमएच-०४ एस ५८७१) वरिल चालकाने जोरदार धडक दिली. या अपघातामध्ये दोघेही जखमी झाले. उपचारासाठी जिल्हा रुग्णालयात दाखल केले असून त्यांच्यावर उपचार सुरु आहेत.
