रत्नागिरी:- शहरातील शिवाजीनगर येथील वेश्या व्यवसाय प्रकरणातील दहा संशयितांपैकी नऊ जणांची न्यायालयाने न्यायालयीन कोठडीत रवानगी केली आहे. मात्र यातील नवीद अश्रफ कनवाडकर (रा. अलहसन टॉवर उद्यमनगर, रत्नागिरी) याच्या पोलिस कोठडीत दोन दिवसांची वाढ करण्यात आली आहे.
एका महिलेसह मुख्य संशयित राजेंद्र रमाकांत चव्हाण (वय ४५, रा. जांभुळफाटा, रत्नागिरी), अरबाज असलम चाउस (रा. साखरतर, रत्नागिरी) साई प्रसाद साळुंखे (रा. कोकणनगर, रत्नागिरी), रोहन मंगेश कोळेकर (शिवाजीनगर, रत्नागिरी), प्रवीण प्रकाश परब (रा. गवळीवाडा, रत्नागिरी) अब्दुल मतीन हसनमियाँ डोंगरकर (३६, रा. बोर्डिंग रोड माळनाका, रत्नागिरी), ओमकार जगदीश बोरकर (चिंचखरी, रत्नागिरी) आणि समिर मंगेश लिंबुकर (२३ मूळ रा. देवरुख, सध्या रा. आरोग्य मंदिर, रत्नागिरी) या नऊजणांना न्यायालयाने सोमवारी न्यायालयीन कोठडी सुनावली. संशयित कनवाडकर यांच्या पोलिस कोठडी दोन दिवस वाढ केली आहे.
