रत्नागिरी:- जिल्ह्यातील उपविभागिय दर्जाच्या पोलीस दोन अधिकार्‍यांच्या बदल्या करण्यात आल्या आहेत. तर रत्नागिरी शहर पोलीस स्थानकाचे पोलीस निरिक्षक विनितकुमार चौधरी यांची बढतीने नवी मुंबई डायल ११२ च्या उपविभागिय पदी बदली करण्यात आली आहे. दोन उपविभागिय अधिकार्‍यांच्या जिल्ह्यात बदल्या करण्यात आल्या आहेत.
रत्नागिरी शहर पोलीस स्थानकात दोन टर्म कार्यरत असलेले पोलीस निरिक्षक विनितकुमार चौधरी यांना उपविभागिय पोलीस अधिकारी पदावर बढती देण्यात आली आहे. त्यांची नियुक्ती नवी मुंबई येथील डायल ११२ मध्ये करण्यात आली आहे.
खेडचे उपविभागिय पोलीस अधिकारी शशिकिरण बाबासो काशिद यांची बदली बृहन्मुंबईच्या सहायक पोलीस आयुक्त पदावर करण्यात आली आहे. गेले दोन वर्ष ते खेड येथे कार्यरत होते. तर चिपळूणचे उपविभागिय पोलीस अधिकारी सचिन बारी यांची नाशिक शहर येथे उपविभागिय पोलीस अधिकारी पदावर नियुक्ती करण्यात आली आहे.
मंगळूरपीट येथील यशवंत केडगे यांची बदली लांजा उपविभागिय पोलीस अधिकारी पदावर करण्यात आली आहे.तर ठाणे ग्रामीण येथील राजेंद्र मुणगेकर यांची बदली खेड उपविभागिय पोलीस अधिकारी पदावर करण्यात आली आहे.
मनोज सावंत, निलेश नाईक कार्यलय अधीक्षक
रत्नागिरी जिल्हा पोलीस अधीक्षक कार्यालयात वरिष्ठ लिपिक म्हणून कार्यरत असलेल्या मनोज सावंत, निलेश नाईक यांना कार्यालय अधीक्षक पदावर बढती देण्यात आली आहे. मनोज सावंत यांना रत्नागिरी येथे कार्यालय अधीक्षक म्हणून नियुक्ती देण्यात आली आहे. तर निलेश नाईक यांना सिंधुदुर्ग येथे कार्यालय अधीक्षक पदावर बढती मिळाली आहे.
आनंदराव पवार, प्रकाश पांढरबळे पोलीस उपनिरिक्षक रत्नागिरीतील सहाय्यक पोलीस उपनिरिक्षक आनंदराव पवार, प्रकाश पांढरबळे यांना पोलीस उपनिरिक्षक पदी बढती देण्यात आली आहे. आनंदराव पवार यांची बढतीने पालघर येथे तर प्रकाश पांढरबळे यांची रत्नागिरी येथेच नियुक्ती करण्यात आली आहे.
