गुहागर:- गुहागर तालुक्यातील पाटपन्हाळे येथे गुरुवारी रात्री 12 वाजण्याच्या सुमारास चालत्या डंपरला आग लागल्याने खळबळ उडाली. मात्र डंपरच्या मागून येणाऱ्या वाहनाने चालकाला सावध केल्यामुळे मोठा अनर्थ टळला.
रात्रीच्या वेळी जेटीच्या कामासाठी दगडांची वाहतूक करत असताना पाटपन्हाळे येथे डंपरने पेट घेतला. भरधाव वेगात असलेल्या या डंपर चालकाला याची कल्पनाच नव्हती मात्र डंपरच्या मागून येणाऱ्या वाहनाने सावध केल्यामुळे डंपर चालक गाडीतून उतरला. आणि डंपरने पेट घेतला. स्थानिकांच्या मदतीने रात्री आग आटोक्यात आणण्यात आली. मात्र सुदैवाने यामध्ये कोणतीही जीवितहानी झाली नाही.
