रत्नागिरी:-जिल्ह्यात कोरोनाच्या रुग्णांख्येत पुन्हा वाढ झाली आहे. मागील 24 तासात जिल्ह्यात 576 नवे पॉझिटिव्ह रुग्ण सापडले आहेत. यामध्ये रत्नागिरी तालुक्यातील सर्वाधिक 260 रुग्णांचा समावेश आहे. आजच्या अहवालातील तब्बल 350 रुग्ण हे आरटीपीसीआर चाचणी केलेले आहेत. तर 226 रुग्ण अँटीजेन चाचणी केलेले आहेत. नवे 576 रुग्ण सापडल्याने जिल्ह्याची रुग्णसंख्या 26 हजार 961 झाली आहे.
जिल्ह्यात शनिवारी 484 पॉझिटिव्ह रुग्ण सापडले होते. रविवारी रुग्णसंख्येत पुन्हा वाढ झाली. हाती आलेल्या आकडेवारीनुसार जिल्ह्यात 576 नवे रुग्ण सापडले आहेत. पॉझिटिव्ह रुग्णांमध्ये 350 रुग्ण आरटीपीसीआर तर 226 रुग्ण अँटीजेन चाचणीत बाधित सापडले आहेत. जिल्ह्यातील पॉझिटिव्ह रुग्णांची संख्या आता 26 हजार 961 जाऊन पोहचली आहे.
मागील चोवीस तासात जिल्ह्यात कोरोनाने तब्बल 13 रुग्णांचा बळी गेला असूूून जिल्ह्यात कोरोना बळींची संख्या 804 इतकी आहे. रत्नागिरी तालुक्यातील सर्वाधिक 4 जणांचा उपचारादरम्यान मृत्यू झाला आहे. जिल्ह्यात मृत्यूचे प्रमाण 2.98 % आहे. जिल्ह्यातील कोरोनामुळे वाढणारा मृत्यूदर चिंताजनक आहे.
जिल्ह्यातील गेल्या 24 तासात सापडलेल्या 576 पॉझिटिव्ह रुग्णांमध्ये रत्नागिरी तालुक्यातील 260, दापोली 27, खेड 30, गुहागर 49, चिपळूण 62, संगमेश्वर 60, राजापूर 47 आणि लांजा तालुक्यात 41 रुग्ण सापडले आहेत. जिल्ह्यात कोरोना संक्रमित होण्याचे प्रमाण 16.39% आहे.
