रत्नागिरी:- जिल्ह्यात कोरोनाचा प्रादुर्भाव दिवसेंदिवस वाढतच आहे. मागील 24 तासात जिल्ह्यात एक- दोन नव्हे तर तब्बल 251 पॉझिटिव्ह रुग्ण सापडले आहेत. सापडलेल्या 251 पैकी 150 रुग्ण आरटीपीसीआर चाचणी केलेले तर 101 रुग्ण अँटीजेन चाचणी केलेले आहेत.
शुक्रवारी जिल्ह्यात कोरोना पॉझिटिव्ह रुग्णसंख्येचा स्फोटच झाला. आतापर्यंतचे सर्वाधिक पॉझिटिव्ह रुग्ण आज जिल्ह्यात सापडून आले. 24 तासात 251 नव्या रुग्णांची भर पडली. जिल्ह्यातील पॉझिटिव्ह रुग्णांची संख्या आता 12 हजार 271 वर जाऊन पोहचली आहे. शुक्रवारी आलेल्या अहवालात रत्नागिरी तालुक्यात सर्वाधिक 74 पॉझिटिव्ह रुग्ण सापडले आहेत. आज 928 जणांचे कोरोना अहवाल निगेटिव्ह आले आहेत तर आतापर्यंत एकूण 105049 अहवाल निगेटिव्ह आले आहेत.
चोवीस तासात 175 रुग्ण बरे झाले असून आतापर्यंत 10 हजार 750 जण कोरोनामुक्त झाले आहेत. जिल्ह्यात कोरोना रिकव्हरी रेट 87.60 टक्के आहे. मागील चोवीस तासात जिल्ह्यात कोरोनाने 1 रुग्णाचा बळी गेला असूूून जिल्ह्यात कोरोना बळींची संख्या 389 इतकी आहे. जिल्ह्यात मृत्यूचे प्रमाण 3.17 % आहे.
जिल्ह्यातील आज सापडलेल्या 251 पॉझिटिव्ह रुग्णांमध्ये रत्नागिरी तालुक्यातील 74, दापोली 19, खेड 25, गुहागर 19, चिपळूण 45, संगमेश्वर 41, मंडणगड 2, राजापूर 14 आणि लांजा तालुक्यात 12 रुग्ण सापडले आहेत. जिल्ह्यात कोरोना संक्रमित होण्याचे प्रमाण 10.46% आहे.
