रत्नागिरी:- तालुक्यातील आगवे फाटा येथे बेदरकारपणे वाहन चालवून पादचार्यास धडक देत अपघात केल्याप्रकरणी अज्ञात चालकाविरोधात ग्रामीण पोलिस ठाण्यात गुन्हा दाखल करण्यात आला आहे.अपघाताची ही घटना सोमवार 15 मार्च रोजी सकाळी 10.30 वा.सुमारास घडली.
याबाबत विनायक बाळू कुळ्ये (26,रा.तरवळ कुळ्येवाडी, रत्नागिरी) यांनी पोलिसांना खबर दिली.त्यानुसार, सोमवारी सकाळी रामचंद्र देमा कुळ्ये (67,रा.तरवळ, रत्नागिरी) हे जाकादेवी सिव्हिल हॉस्पीटल येथे गेले होते.10.30 वा.सुमारास आगवे फाटा येथे अज्ञात वाहनाने त्यांना धडक देउन पळ काढला. याप्रकरणी अधिक तपास ग्रामीण पोलिस करत आहेत.
