रत्नागिरी:- स्वतःच्या किरकोळ तर पत्नीच्या गंभीर दुखापतीस कारणीभूत झालेल्या स्वाराविरुद्ध ग्रामीण पोलिस ठाण्यात गुन्हा दाखल करण्यात आला आहे. अमोल अनंत विश्वासराव ३८, असे संशयिताचे नाव आहे. ही घटना शनिवारी (ता. १६) आदर्शवसाहत- कारवांचीवाडी येथे घडली.
पोलिसांकडून मिळालेल्या माहितीनुसार डंपर चालक बुद्धू राजू चव्हाण हे डंपर (क्र. एमएच-०८ एच २२०४) घेऊन कारवांचीवाडी पाण्याची टाकी ते आकाशवाणी केंद्र खेडशी असे जात होते. आदर्श वसाहत येथे स्पिड ब्रेकर वरुन पुढे जात असताना मागून येणाऱ्या दुचाकी (क्र. एमएच-०८ एच २०७०) वरील स्वार संशयित अमोल याने दुचाकी निष्काळजी पणे चालवून डंपरला बाजू देताना अपघात झाला. यामध्ये दुचाकीवरिल संशयिताची पत्नी डंपरच्या चाकाखाली येऊन तिला गंभीर दुखापत झाली. या प्रकरणी पोलिस हवालदार विनोद भितळे यांनी ग्रामीण पोलिस ठाण्यात तक्रार दिली. तक्रारीवरुन पोलिसांनी संशयित स्वाराविरुद्ध गुन्हा दाखल केला आहे.
