खेड:- कोकण मार्गावरून धावणाऱ्या रत्नागिरी-दिवा पॅसेंजरमध्ये चढत असताना खाली पडून तरुण गंभीररित्या जखमी झाल्याची घटना शनिवारी सकाळी ९.३०च्या सुमारास येथील स्थानकात घडली. चंदन शांताराम जाधव (रा. पुरे-खेड) असे जखमी तरुणाचे नाव आहे. उपचारासाठी तातडीने कळंबणी उपजिल्हा रूग्णालयात दाखल करण्यात आले.
गावी गणेशोत्सवासाठी आलेले चंदन जाधव हा मुंबईला स्थानकात शनिवारी सकाळी आला होता. रत्नागिरी-दिवा पॅसेंजर येथील स्थानकात आली असता गाडीत चढताना तो खाली पडला. यात त्याच्या पाठीला गंभीर दुखापती झाल्या. या बाबत. रेल्वे प्रशासनाने येथील पोलीस स्थानकात कळवल्यानंतर पोलीस घटनास्थळी पोहचले. सामाजिक कार्यकर्ते सुरेश हंबीर यांनी रूग्णवाहिकेने उपचारासाठी तातडीने कळंबणी उपजिल्हा रूग्णालयात दाखल केले.
