दिल्ली:- भारताने दुसऱ्यांदा तब्बल १७ वर्षानंतर T२० विश्वचषक जिंकला आहे. बार्बाडोस येथे खेळल्या गेलेल्या अंतिम सामन्यात टीम इंडियाने रोमहर्षक सामन्यात दक्षिण आफ्रिकेचा ७ धावांनी पराभव केला.
नाणेफेक जिंकून प्रथम फलंदाजी करताना भारताने २० षटकांत ७ गडी गमावून १७६ धावा केल्या. प्रत्युत्तरात दक्षिण आफ्रिकेला २० षटकांत ८ गडी गमावून १६९ धावा करता आल्या.
एकवेळ दक्षिण आफ्रिकेने १५ षटकांत ४ गडी गमावून १४७ धावा केल्या होत्या. येथून त्यांचा विजय निश्चित वाटत होता, पण भारतीय गोलंदाजांनी त्यांच्या जबड्यातून विजय हिसकावून घेतला.
१९ व्या षटकात ४ धावा
अर्शदीप सिंगने १९ व्या षटकात केवळ ४ धावा दिल्या. आता दक्षिण आफ्रिकेला विजयासाठी ६ चेंडूत १६ धावा करायच्या आहेत. डेव्हिड मिलर १६ चेंडूत २१ धावांवर खेळत आहे. त्याच्यासोबत केशव महाराज ६ चेंडूत २ धावांवर खेळत आहेत. हार्दिक पांड्या भारतासाठी शेवटचे षटक टाकू शकतो.
हेनरिक क्लासेन बाद
हार्दिक पांड्याने १७व्या षटकात हेनरिक क्लासेनला बाद करून भारताच्या आशा उंचावल्या आहेत. क्लासेन २७ चेंडूत ५२ धावा करून बाद झाला. आफ्रिकेला २३ चेंडूत विजयासाठी २५ धावांची गरज आहे. भारतासाठी अडचण अशी आहे की बुमराहकडे फक्त एक ओव्हर शिल्लक आहे.
भारताच्या १७६ धावा
विराट कोहलीच्या ७६ धावा आणि अक्षर पटेलच्या ४७ धावांच्या झंझावाती खेळीमुळे भारताने २० षटकात ७ विकेट गमावत १७६ धावा केल्या आहेत. आता जबाबदारी गोलंदाजांवर आहे.
भारताकडून विराट कोहलीने ५९ चेंडूत ७६ धावा केल्या. यादरम्यान त्याच्या बॅटमधून ६ चौकार आणि २ षटकार आले. तर अक्षर पटेलने ३१ चेंडूत १ चौकार आणि ४ षटकारांच्या मदतीने ४७ धावांची महत्त्वपूर्ण खेळी केली. शिवम दुबेही शेवटी चमकला. त्याने १६ चेंडूत ३ चौकार आणि १ षटकारासह २७ धावांची खेळी खेळली. दक्षिण आफ्रिकेकडून ॲनरिक नॉर्खिया आणि केशव महाराज यांनी प्रत्येकी २ गडी बाद केले.
महत्वाच्या क्षणी विराट कोहलीचं अर्धशतक
विराट कोहलीने ४८ चेंडूत ४ चौकारांच्या मदतीने ५० धावा पूर्ण केल्या आहेत. किंग कोहलीचे या विश्वचषकातील हे पहिले अर्धशतक आहे. १७ षटकांत भारताची धावसंख्या ४ विकेटवर १३४ धावा आहे. शिवम दुबे १२ चेंडूत २१ धावांवर खेळत आहे. त्याने २ चौकार आणि १ षटकार मारला आहे.
शिवम दुबेने धावांचा वेग वाढवला
शिवम दुबेने १५व्या षटकात मार्को यान्सेनला षटकार ठोकला. या षटकात एकूण १० धावा आल्या. १५ षटकांनंतर टीम इंडियाची धावसंख्या ४ विकेटवर ११८ धावा आहे. किंग कोहली ४३ चेंडूत ४ चौकारांच्या मदतीने ४६ धावांवर खेळत आहे. शिवम दुबे ५ चेंडूत एका षटकारासह ९ धावांवर खेळत आहे.
अक्षर-कोहलीने डाव सावरला
भारताच्या १० षटकात ७५ धावा झाल्या आहेत. विराट आणि अक्षरने डाव सावरला आहे. भारत मोठ्या धावसंख्येच्या दिशेने वाटचाल करत आहे. कोहली ३६ तर अक्षर पटेल २६ धावांवर खेळत आहेत.
त्याआधी अक्षर पटेलने ९व्या षटकात केशव महाराजला शानदार षटकार ठोकला. या षटकात एकूण ९ धावा आल्या.
अक्षर पटेलने षटकार ठोकला
अक्षर पटेलने आठव्या षटकात एडन मार्करामवर शानदार षटकार ठोकला. या षटकात एकूण १० धावा आल्या. ८ षटकांनंतर टीम इंडियाची धावसंख्या ३ विकेटवर ५९ धावा आहे. विराट कोहली २४ चेंडूत ४ चौकारांच्या मदतीने २९ धावांवर खेळत आहे. तर अक्षर पटेल १३ चेंडूत १ चौकार आणि १ षटकारासह १८ धावांवर खेळत आहे. दोघांमध्ये २१ चेंडूत २५ धावांची भागीदारी आहे.
विराट कोहली मैदानात
विराट कोहली शानदार टचमध्ये दिसत आहे. त्याने आतापर्यंत ४ चौकार ठोकले आहेत. भारताच्या ४ षटकात ३२ धावा असून कोहली २२ धावांवर खेळत आहे.
रोहित-पंत बाद
केशव महाराजने दुसऱ्या षटकात टीम इंडियाला दोन धक्के दिले. रोहित शर्माला बाद केल्यानंतर महाराजने ऋषभ पंतलाही पॅव्हेलियनमध्ये पाठवले. पंत शून्यावर बाद झाला. दोन षटकांनंतर भारताची धावसंख्या दोन बाद २३ धावा आहे.
भारताची धमाकेदार सुरुवात
दक्षिण आफ्रिकेसाठी मार्को यान्सेनने पहिले षटक टाकले. रोहित शर्माने पहिल्याच चेंडूवर एकेरी घेतली. त्यानंतर विराट कोहलीने कव्हर ड्राइव्हला चौकार मारून सुरुवात केली. तिसऱ्या चेंडूवर किंग कोहलीने फ्लिक शॉट खेळला आणि चौकार वसूल केला. शेवटच्या चेंडूवर कोहलीने समोरच्या बाजूने चौकार मारला. पहिल्या षटकात ३ चौकारांसह एकूण १५ धावा आल्या. विराट ५ चेंडूत १४ धावांवर खेळत आहे.
