दापोली:- एकाच कुटुंबातील बेपत्ता झालेल्या चार जणांना शोधण्यात पोलिसांना यश आले आहे. दोन मुले आणि त्यांच्या आईला चार दिवसांपूर्वीच शोधण्यात आले होते. आता भरत भेलेकर यांनाही पोलिसांनी शोधले आहे.
दापोली तालुक्यामधील विसापूर येथून एकाच कुटुंबातील दोन मुले व त्यांचे आई-वडील एकाच दिवशी बेपत्ता झाले होते. त्यामुळे जिल्ह्यात मोठी खळबळ उडाली होती. त्यापैकी दोन मुले आणि त्यांची आई सुगंधा अशा तिघांचा शोध याआधीच लागला होता. ते ठाणे परिसरात असल्याची माहिती पोलिसांना मिळाली होती. त्यानुसार दापोलीचे पोलिस अंमलदार विकास पवार यांनी या तिघांवर नजर ठेवण्यासाठी सापळा रचला होता आणि अखेर त्यांना यश आले.
