राजापूर:- घाट माथ्याला जोडणाऱ्या राजापूर तालुक्यातील अणुस्कुरा घाटात सोमवारी रात्री दरड कोसळली. यामुळे कोकणातून कोल्हापूर व घाटमार्गावर जाणारी वाहतूक ठप्प झाली आहे.
यावर्षीच्या अतिवृष्टीत आंबा घाटात दरड कोसळल्याने रत्नागिरी – कोल्हापूर मार्ग वाहतुकीसाठी बंद करण्यात आला. आंबा घाट १२ ठिकाणी धोकादायक बनला होता. या मार्गावरील वाहतूक सुरळीत होण्यासाठी दुरुस्तीचे काम हाती घेण्यात आले आहे. सध्या लहान वाहनांची वाहतूक सुरू असून, अवजड वाहनांना बंदी घातली आहे. त्यामुळे जिल्ह्यातील सर्व वाहतूक अणुस्कुरामार्गे सुरु होती. मात्र, सोमवारी रात्री अचानक या घाटातही दरड कोसळल्यामुळे जिल्ह्यातून होणारी जड वाहतूक पूर्णत: ठप्प झाली आहे. या घटनेनंतर संबंधित यंत्रणा तत्काळ घटनास्थळावर रवाना झाली आहे.
