राजापूर:- आडिवरे कालिकावाडी येथील ४५ वर्षीय इसमाने नववीमध्ये शिकणाऱ्या विद्यार्थाचा चावा घेतल्याची घटना घडली आहे. या घटनेमुळे परिसरात एकच संताप उडाला आहे. या प्रकरणी नाटे पोलीस ठाण्यात तक्रार दाखल करण्यात आली आहे.
पोलीस ठाणे नाटे येथे विना विलास रोकडे (वय 37 रा. आडिवरे कालिकावाडी ता. राजापूर जि. रत्नागिरी) यांनी संदीप उर्फ आबा सहदेव मोंडे (वय 45 रा. कालिकावाडी, आडिवरे ता. राजापूर जि. रत्नागिरी) याच्या विरोधात तक्रार दाखल केली आहे. तक्रारदार यांचा मुलगा हा संदिप मोंडे याचा पुतण्या यांच्याकडे बसायला गेला असता तू काय करतोस, शाळेचा अभ्यास केलास का, तू कितवीला आहेस, तुला पाढे येतात का,असे बोलून त्याला पकडून दारूच्या नशेत त्याने त्याच्या पाटीला चावा घेतला व शिवीगाळी केली अशी तक्रार नाटे पोलीस ठाण्यात दिली आहे. या तक्रारीवरून संदिप मोडे याच्या विरोधात ३२३,५०४ अन्वये अदखल पात्र गुन्हा दाखल करण्यात आला आहे. अधिक तपास सहा. पोलीस उपनिरीक्षक साळवी करत आहेत.
