रत्नागिरी:- मागील चोवीस तासात जिल्ह्यात अवघे 6 कोरोना पॉझिटिव्ह सापडले आहेत. याच कालावधीत 209 जणांचे अहवाल निगेटिव्ह आले आहेत. मागील चोवीस तासात एका रुग्णाचा उपचारा दरम्यान मृत्यू झाला आहे. जिल्ह्यात सद्यस्थितीत 149 रुग्ण उपचाराखाली आहेत.
नव्याने 6 रुग्ण सापडल्याने जिल्ह्यात आतापर्यंत 8 हजार 815 पॉझिटिव्ह रुग्ण सापडले आहेत. मागील चोवीस तासात 209 जणांचा अहवाल निगेटिव्ह आला आहे. आता पर्यंत 54 हजार 955 जणांचा अहवाल निगेटिव्ह आला आहे.
चोवीस तासात 18 रुग्ण बरे झाले असून आता पर्यंत 8 हजार 298 जण कोरोनामुक्त झाले आहेत. मागील चोवीस तासात जिल्ह्यात कोरोनाने एका रुग्णाचा मृत्यू झाला आहे. जिल्ह्यात कोरोना बळींची संख्या 321 असून जिल्ह्यात रिकव्हरी रेट 94.13 टक्के आहे
