राजापूर :- तालुक्यातील भू येथील वायरमनचा वीजेच्या धक्क्याने मृत्यू झाल्याची दुर्दैवी घटना आज दुपारी भू येथे घडली. सुनिल यशवंत चौगुले (32) असे मयत वायरमनचे नाव आहे.
याबाबत मिळालेल्या माहितीनुसार महावितरण विभागामध्ये कंत्राटी पध्दतीवर वायरमन म्हणून सेवा बजावणारे सुनिल यशवंत चौगुले शुकवारी दुपारी अडीज वाजण्याच्या सुमारास भू येथे देखभाल दुरूस्तीचे काम करत असताना त्यांना विजेचा जोरदार धक्का बसला. त्यानंतर त्यांना तात्काळ राजापूर ग्रामीण रूग्णालयात उपचारासाठी दाखल करण्यात आले. मात्र वैद्यकीय अधिकाऱ्यांनी त्यांना मृत घोषित केले. या घटनेबाबत माहिती मिळताच महावितरणच्या कर्मचाऱ्यांनी तात्काळ राजापूर ग्रामीण रूग्णालयात धाव घेतली.
