रत्नागिरी:- शहरातील साळवी स्टॉप-जलतरण तलाव परिसरात मद्यपान करणाऱ्या तीन तरुणांविरुद्ध शहर पोलिस ठाण्यात गुन्हा दाखल करण्यात आला आहे. सद्दाम हजरत पठाण (३०, रा. पांढरा समुद्र झोपडपट्टी, रत्नागिरी), दिपक नंदलाल भारती ( ३५, रा. शांतीनगर, रत्नागिरी), परमहंस शारदा शर्मा (३५, शांतीनगर, रसाळवाडी, रत्नागिरी) अशी संशयितांची नावे आहेत. या घटना सोमवारी (ता. ३) सायंकाळी साडेसहा ते आठच्या सुमारास जलतरण तलाव साळवी स्टॉप येथे निदर्शनास आल्या.
पोलिसांकडून मिळालेल्या माहितीनुसार संशयित साळवीस्टॉप येथील सार्वजनिक ठिकाणी मद्य प्राशन करत असताना सापडले. या प्रकरणी पोलिस हेड कॉन्स्टेबल अरुण चाळके, पोलिस कॉन्स्टेबल अमित पालवे, पोलिस हेड कॉन्स्टेबल पंकज पडेलकर यांनी शहर पोलिस ठाण्यात तक्रार दिली. तक्रारीवरुन पोलिसांनी संशयितांविरुद्ध गुन्हा दाखल केला आहे.
