रत्नागिरी:- सार्वजनिक ठिकाणी मद्य प्राशन करण्याचे प्रमाण दिवसेंदिवस वाढत चालले आहे. शहरातील प्रशांतनगर आणि शिरगाव तिवंडीवाडी येथे मद्य पिण्याचा परवाना नसताना मद्य प्राशन करणाऱ्या दोन तरुणांविरुद्ध शहर पोलिस ठाण्यात गुन्हा दाखल करण्यात आला आहे.
महेश भार्गव शिंदे (३५, रा. प्रशांतनगर, रत्नागिरी) आणि महेंद्र रविंद्र जाधव (३७, रा. मिरजोळे बौध्दवाडी, रत्नागिरी) अशी गुन्हा दाखल करण्यात आलेल्या संशयितांची नावे आहेत. ही घटना मंगळवारी (ता २८) सायंकाळी सव्वा सहा ते पावणे सातच्या सुमारास निदर्शनास आली. पोलिसांकडून मिळालेल्या माहितीनुसार संशयित दोघे मद्य पिण्याचा परवाना नसताना सार्वजनिक ठिकाणी मोकळ्या जागेत दारु पित असताना पोलिसांच्या निदर्शनास आले. या प्रकरणी पोलिसांनी शहर पोलिस ठाण्यात तक्रार दिली. तक्रारीवरुन पोलिसांनी संशयितांविरुद्ध गुन्हा दाखल केला आहे. अधिक तपास शहर पोलिस अमंलदार करत आहेत.
