रत्नागिरी:- कोल्हापूर वन विभागांतर्गत झालेल्या विभागिय क्रिडा स्पर्धांमध्ये रत्नागिरी वन विभागाने १६ सुवर्ण पदके, ७ रौप्य पदक व ६ कास्य पदक पटकावून तिसरा क्रमांक पटकावला तर महिला विभागात रत्नागिरीला सर्वसाधारण विजतेपद मिळाले.
२७ वी अखिल भारतीय वन क्रिडा स्पर्धेच्या अनुषंगाने कोल्हापूर वन विभागांतर्गत क्रिडा स्पर्धांचे आयोजन करण्यात आले होत. त्यात कोल्हापूर, सांगली, सातारा, रत्नागिरी, सिंधूदुर्ग वन विभाग आणि वन्यजीव विभाग अशा सहा विभागांच्या एकूण २६५ स्पर्धकांनी सहभाग घेतला होता. या स्पर्धा महासंचालक कुंडल विकास प्रशासन व व्यवस्थापन प्रबोधिनी (वने) कुंडल (जि. सांगली) येथे झाल्या. पहिल्या दिवशी धावणे, चालणे, कॅरम व बुध्दीबळ, टेबल टेनिस, बॅडमिंटन तर दुसर्‍या दिवशी कबड्डी, हॉलीबॉल, फुटबॉल, ४ बाय ४०० रिले हे क्रीडी प्रकार झाले. या स्पर्धांमध्ये रत्नागिरी वन विभागाने यश प्राप्त केले असून अ‍ॅथलेटिक्स या क्रिडा प्रकारात रत्नागिरी वन विभागाच्या वनरक्षक श्रावणी प्रकाश पवार हिने १०० मी धावणे, २०० मी. धावणे, ४०० मी. धावणे १५०० मी. धावणे, ५००० मी धावणेमध्ये सुवर्ण पदक प्राप्त केले आहे. ४०० व ८०० मी. चालणे या क्रिडा प्रकारामध्ये सुवर्ण पदक प्राप्त करीता महिला चॅम्पियनशिप किताब पटकावला आहे. वनपरिक्षेत्र अधिकारी श्रीमती राजेश्री कीर यांनी बॅडमिंटन, एकेरी व दुहेरी, गोळाफेक, थाळीफेकमध्ये सुवर्ण पदक, ४०० मीटर धावणे रौप्य पदक आणि १०० मीटरमध्ये कांस्य पदक मिळवले. वनरक्षक राजाराम शिंदे यांनी ४०० मी. धावणे, १५०० मी. धावणे या क्रिडा प्रकारात सुवर्ण पदक, १०० व २०० मीटर धावणे, ५००० मीटर धावणे, १५०० मीटर चालणे आणि गोळाफेक क्रिडा प्रकारात रौप्य तर ८०० मीटर धावणेत कांस्य पदक पटकावले. वनक्षेत्रपाल राजेंद्र रा. पाटील यांनी टेबल टेनिसमध्ये सुवर्ण पदक तर वैयक्तीक क्रिडा प्रकारात कास्य पदक प्राप्त केले. वनपाल अनिल दळवी यांनी बॅडमिंटन या क्रिडा प्रकारात सुवर्ण पदक, कॅरममध्ये कांस्य पदक मिळवले. वनरक्षक दत्ताराम सुर्वे यांनी २०० मीटर धावणे या क्रिडा प्रकारात कांस्य पदक पटकावले. आकाश कडूकर यांनी टेबल टेनिसमध्ये कांस्य पदक, वनपाल श्रीमती सुरेखा जगदाळे यांनी ८०० मीटर चालणेत रौप्य पदक मिळवले. स्पर्धकांचा उत्साह व प्रेरणा देण्याकरीता वनक्षेत्रपाल प्रकाश ग. सुतार, दापोली वनक्षेत्रपाल वैभव बोराटे, चिपळूण वनक्षेत्रपाल श्रीमती राजेश्री कीर, वनक्षेत्रपाल राजेंद्र पाटील अधिकारी उपस्थित होते. तसेच पारितोषिक वितरणाला विभागीय वन अधिकारी दिपक खाडे उपस्थित होते. या स्पर्धेसाठी मुख्य वनसंरक्षक आर. एम. रामानुजम, महासंचालक जे. पी. त्रिपाठी, वनसंरक्षक एन. एस. लडकत यांचे मार्गदर्शन लाभले.
