रत्नागिरी:- रेल्वे प्रवासादरम्यान महिलेची हॅन्डबॅग लांबवून अज्ञाताने तब्बल 5 लाख 54 हजार रुपयांचा मुद्देमाल लांबवला.ही घटना 16 ऑगस्ट 2023 रोजी रात्री 11.50 ते पहाटे 3 वा.कालावधीत एर्नाकुलम सुपरफास्ट एक्सप्रेसमध्ये भोके येथे घडली.याप्रकरणी ग्रामीण पोलिस ठाण्यात गुन्हा दाखल करण्यात आला आहे.
याप्रकरणी महिलेेने दिलेल्या तक्रारीनुसार,16 ऑगस्ट रोजी ती पती,बहिण,भावोजी बहिणीचा मुलगा असे मिळून वडकांचेरी जिल्हा त्रिशुर केरळ येथे बहिणीच्या मुलीच्या लग्नासाठी पूणे एर्नाकुलम सुपरफास्ट एक्सप्रेसने प्रवास करत होते.प्रवासादरम्यान हे सर्वजण झोपी गेले असता त्यांची टे्रन भोके येथे आली असता अज्ञाताने त्यांच्या झोपेचा फायदा उठवत हॅन्डबॅग लांबवली.बॅगमध्ये रोख 2 लाख 28 हजार रुपये,3 लाख 16 हजार रुपयांचे सोन्याचे दागिने त्यामध्ये बांगड्या,पेंडल,कानातील जोड,डायमंड रिंग आणि 10 हजार रुपयांचा मोबाईल असा एकूण 5 लाख 54 हजार रुपयांचा ऐवज लांबवला.याप्रकरणी रविवार 15 ऑक्टोबर रोजी ग्रामीण पोलिस ठाण्यात गुन्हा दाखल करण्यात आला आहे.
