रत्नागिरी:- महाड पोलादपूर विधानसभा मतदार संघाचे माजी आमदार, रायगड जिल्हा काँग्रेस अध्यक्ष माणिकराव जगताप यांचे रात्री उशिरा मुंबईत निधन झाले. ते 54 वर्षांचे होते. त्यांच्यावर मुंबईतील ग्लोबल रुग्णालयात उपचार सुरू होते.
विद्यार्थी काँग्रेस मधून जगताप यांनी आपल्या राजकीय कारकिर्दीला सुरुवात केली. त्यानंतर युवक काँग्रेस मध्ये अनेक पदे भूषवली. 2004 मध्ये झालेल्या निवडणुकीत ते महाड विधानसभा मतदार संघातून राष्ट्रवादी काँग्रेसच्या तिकिटावर निवडून आले होते. महाराष्ट्र प्रदेश काँग्रेसचे ते विद्यमान उपाध्यक्ष होते याशिवाय रायगड जिल्हा काँग्रेस अध्यक्ष पदाची जबाबदारी त्यांच्यावर होती. रायगड जिल्ह्यात काँग्रेस पक्षाला उभारी देण्याचे काम जगताप यांनी केले होते. त्यांचा मृतदेह अंतिम दर्शनासाठी कॅप्टन जगताप बंगला,नवेनगर, महाड येथे ठेवण्यात येणार आहे. त्यांच्यावर आज दुपारी 2 वाजता महाड येथे अंत्यसंस्कार होणार आहेत.
