रत्नागिरी:- शहरातील रहाटाघरच्या पाठीमागे बेकायदेशिरपणे जुगार खेळ चालवणार्‍या विरोधात शहर पोलिस ठाण्यात गुन्हा दाखल करण्यात आला आहे.ही कारवाई गुरुवार 2 नोव्हेंबर रोजी दुपारी 3.30 वा.करण्यात आली आहे.
संतोष सखाराम शिंदे (53,रा.तेली आळी,रत्नागिरी) असे गुन्हा दाखल करण्यात आलेल्या संशयिताचे नाव आहे.शहर पोलिसांना रहाटाघर येथे जुगार खेळ चालवण्यात येत असल्याची माहिती मिळाली होती.त्यानुसार,गुरुवारी दुपारी पोलिसांनी त्याठिकाणी धाड टाकली असता त्यांना संशयित हा मधुर मटका जुगार खेळ चालवत असताना मिळून आला.त्याच्याकडून रोख रक्कम आणि जुगाराचे साहित्य असा एकूण 1 हजार 545 रुपयांचा मुद्देमाल जप्त करण्यात आला.
