रत्नागिरी:- शहरातील मच्छीमार्केट परिसरात इमारतीवरून पडून कामगार जखमी झाला. ही घटना शनिवारी दुपारच्या सुमारास घडली. कामगाराला गंभीर स्वरूपाची दुखापत झाल्याने त्याला उपचारासाठी कोल्हापूर येथे हलविण्यात आले.
कामाच्या ठिकाणी कामगारांच्या सुरक्षेची काळजी न घेतल्याने हा अपघात घडल्याचा आरोप नातेवाईकांकडून करण्यात आला आहे. शहरातील मच्छीमार्केट परिसरात एका रहिवासी इमारतीचे काम करण्यात येत आहे. शनिवारी या इमारतीचे काम करणारा कामगार अचानक खाली कोसळला. यामध्ये त्याला दुखापत झाल्याने उपचारासाठी रूग्णालयात दाखल करण्यात आले. मात्र दुखापत गंभीर स्वरूपाची असल्याने त्याला अधिक उपचारासाठी कोल्हापूर येथे पाठवण्यात आले, अशी माहिती समोर आली आहे.
