रत्नागिरी:- शहरातील बेलबाग येथील बंद घराच्या एका कोपऱ्यात विनापरवाना हातभट्टीची दारु विक्रीवर पोलिसांनी कारवाई केली. या कारवाईत साहित्यासह २२२ रुपयांची चार लिटर दारु जप्त केली. शहर पोलिस ठाण्यात संशयिताविरुद्ध गुन्हा दाखल करण्यात आला आहे. सुधाकर कमलाकर मयेकर (वय ६०, रा. धनजीनाका, बेलबाग, रत्नागिरी) असे संशयिताचे नाव आहे. ही घटना शुक्रवारी (ता. १४) दुपारी अडीचच्या सुमारास निदर्शनास आली.
पोलिसांकडून मिळालेल्या माहितीनुसार संशयित एका बंद घराच्या कोपऱ्यात विनापरवाना हातभट्टीची दारु विक्री करत असताना सापडला. या प्रकरणी महिला पोलिस कॉन्स्टेबल प्रमिला खोत यांनी शहर पोलिस ठाण्यात तक्रार दिली. तक्रारीवरुन पोलिसांनी संशयिताविरुद्ध गुन्हा दाखल केला आहे.
