रत्नागिरी:- शहरातील बंदररोड- सुवरेवाडी येथे विनापरवाना हातभट्टीची दारु विक्रीवर पोलिसांनी कारवाई केली. या कारवाईत वृद्धाकडून साहित्यासह चार लिटर दारु जप्त केली. शहर पोलिस ठाण्यात संशयित वृद्धाविरुद्ध गुन्हा दाखल करण्यात आला आहे. प्रकाश बाबल्या सुवरे (वय ६४, रा. बंदररोड-सुवरेवाडी, रत्नागिरी) असे संशयिताचे नाव आहे. ही घटना मंगळवारी (ता. १३) सायंकाळी पावणेसातच्या सुमारास सुवरेवाडी येथील झोपडीच्या बाहेरिल बाजूस निदर्शनास आली.
पोलिसांकडून मिळालेल्या माहितीनुसार सुवरेवाडी येथे वृद्ध विनापरवाना हातभट्टीची दारु विक्री करत असल्याची माहिती पोलिसांनी मिळाली होती. त्या आधारे पोलिसांनी मंगळवारी कारवाई केली. या कारवाईत साहित्यासह २३० रुपयांची चार लिटर दारु पोलिसांनी जप्त केली. या प्रकरणी पोलिसांनी शहर पोलिस ठाण्यात तक्रार दिली. तक्रारीवरुन पोलिसांनी संशयित वृद्धाविरुद्ध गुन्हा दाखल केला आहे.
