रत्नागिरी:- बेदरकारपणे रिक्षा चालवून पादचार्‍या पाठीमागून धडक देत अपघात केला. यात त्याच्या गंभिर दुखापतीस कारणीभूत ठरल्याप्रकरणी चालकाविरोधात शहर पोलिस ठाण्यात गुन्हा दाखल करण्यात आला आहे.अपघाताची ही घटना शुक्रवार 25 डिसेंबर रोजी रात्री 10.30 वा.सुमारास मिर्‍याबंदरला जाणार्‍या रस्त्यावरील आंब्रेवाडी स्टॉपजवळ घडली.
अनिल केरु लिंबुकर (रा.शिरगाव,रत्नागिरी) असे गुन्हा दाखल करण्यात आलेल्या संशयित रिक्षा चालकाचे नाव आहे.त्याच्या विरोधात अपघातातील जखमी पादचारी सचिन सुधाकर मयेकर (44,रा.भाटिमिर्‍या,रत्नागिरी) यांनी तक्रार दिली आहे.त्यानुसार,शुकवारी रात्री जेवण आटोपल्यावर ते शतपावली करण्यासाठी घरातून निघून रत्नागिरीच्या दिशेने येत होते.ते आंब्रेवाडी स्टॉपपर्यंत येउन पुन्हा घराच्या दिशेने मागे वळले.त्याच दरम्यानअनिल लिंबुकर आपल्या ताब्यातील रिक्षा (एमएच -08-ई- 6595) घेउन भरधाव वेगाने जात असताना त्याने सचिन मयेकर यांना पाठीमागून धडक देत अपघात केला. यात मयेकर यांच्या कपाळावर,उजव्या गालावर,दोन्ही पायांच्या ढोपरांना आणि हाताच्या पंजाला जबर मार लागून गंभीर दुखापत झाली. याप्रकरणी अधिक तपास शहर पोलिस करत आहेत.
