रत्नागिरी:- बेदरकारपणे दुचाकी चालवून पादचारी महिलेला धडक देत अपघात केल्याप्रकरणी अज्ञात चालकाविरोधात ग्रामीण पोलिस ठाण्यात गुन्हा दाखल करण्यात आला आहे.अपघाताची ही घटना मंगळवार 6 फेब्रुवारी रोजी सकाळी 10.15 वा.खेडशी नाका येथे घडली.
याबाबत मानसी महेंद्र देसाई (36,रा.खेडशी,रत्नागिरी) यांनी ग्रामीण पोलिस ठाण्यात तक्रार दिली आहे.त्यानुसार,मंगळवारी सकाळी 10.15 वा.त्या आपल्या मुलीला शाळेत सोडून परत घरी येण्यासाठी रस्ता क्रॉस करत असताना रत्नागिरी बाजुकडून येणार्‍या दुचाकीची त्यांना धडक बसून हा अपघात झाला.यात मानसी देसाई यांना गंभिर स्वरुपाची दुखापत झाली असून चालकाने त्याठिकाणी न थांबता पळ काढला.याप्रकरणी अज्ञात चालकाविरोधात भादंवि कायदा कलम 279,337,338 मोटार वाहन कायदा कलम 184,134,177 अन्वये गुन्हा दाखल करण्यात आला आहे.
