रत्नागिरी:- कोकण रेल्वेच्या नेत्रावती एक्स्प्रेसने प्रवास करणारा तरुण भोके रेल्वे स्थानक येथे रेल्वेतून पडला. बेशुद्ध अवस्थेत त्याला उपचारासाठी त्याला जिल्हा शासकीय रुग्णालयात दाखल केले आहे. ही घटना शुक्रवारी (ता. २६) सकाळी नऊच्या सुमारास भोके रेल्वस्टेशन दरम्यान घडली.
पोलिसांकडून मिळालेल्या माहितीनुसार, अनोळखी तरुण नेत्रावती एक्स्प्रेसने प्रवास करत होता. गाडी भोके दरम्यान रेल्वेतून पडला. या प्रकरणी रेल्वे पोलिसांनी बेशुद्ध अवस्थेत जिल्हा शासकीय रुग्णालयात दाखल केले आहे. मात्र अद्यापही त्यांचे नाव गाव पत्ता समजून येत नाही. या प्रकरणी ग्रामीण पोलिस ठाण्यात अपघाताची नोंद करण्यात आली आहे.
