रत्नागिरी:- शासनाने ठरवून दिलेल्या वेळेनंतरही आपले किराणा मालाचे दुकान उघडे ठेवून ग्राहकांना समक्ष किराणा माल दिल्याप्रकरणी दोघांविरोधात शहर पोलिस ठाण्यात गुन्हा दाखल करण्यात आला आहे. ही घटना मंगळवार 11 मे रोजी दुपारी 11.15 वा.सुमारास मच्छीमार्केट ते धनजीनाका जाणार्या रस्त्यावर घडली.
अशफाक अश्रफ बावानी (रा.सन्मित्र नगर ,रत्नागिरी) आणि नझीर रज्जाक बावानी (रा.उद्यमनगर, रत्नागिरी )अशी गुन्हा दाखल करण्यात आलेल्या संशयितांची नावे आहेत.याबाबत पोलिस नाईक दीपक जाधव यांनी तक्रार दिली होती. त्यानूसार, मंगळवारी दुपारी हे दोन्ही व्यापारी शासनाने ठरवून दिलेल्या वेळेनंतरही आपली किराणा मालाची दुकाने उघडी ठेवून स्वतःमुळे कोरोना संसर्ग होउन दुसर्यांच्या जीवीतास धोका निर्माण होवू शकतो हे माहिती असूनही ग्राहकांना समक्ष किराणा माल देत होते.याप्रकरणी अधिक तपास शहर पोलिस करत आहेत.
