रत्नागिरी:- मागील दोन दिवसात 26 जणांना कोरोनाची लागण झाली आहे. तर याच कालावधीत 278 जणांचे अहवाल निगेटिव्ह आले आहेत. मागील दोन दिवसात तीन रुग्णाचा उपचारा दरम्यान मृत्यू झाला आहे. यामुळे जिल्ह्यात कोरोना बळींची संख्या 325 वर पोचली आहे.
मागील 24 तासात नव्याने 6 रुग्ण सापडल्याने जिल्ह्यात आतापर्यंत 8 हजार 999 पॉझिटिव्ह रुग्ण सापडले आहेत. मागील चोवीस तासात 74 जणांचा अहवाल निगेटिव्ह आला आहे. आता पर्यंत 57 हजार 501 जणांचा अहवाल निगेटिव्ह आला आहे.
चोवीस तासात 6 रुग्ण बरे झाले असून आता पर्यंत 8 हजार 555 जण कोरोनामुक्त झाले आहेत. मागील चोवीस तासात जिल्ह्यात कोरोनाने एका रुग्णाचा मृत्यू झाला आहे. जिल्ह्यात कोरोना बळींची संख्या 325 झाली असून जिल्ह्यात रिकव्हरी रेट 95.06 टक्के आहे
