राजापूर:- दुचाकीची चोरी करून अनुस्कुरा घाट मार्गे कोल्हापूरच्या दिशेने पळणाऱ्या तिघांना पोलीसांनी पाठलाग करून ताब्यात घेतले. पोलिस पाठलाग करताहेत हे कळताच दोन्ही दुचाकी तिथेच टाकून तिघेही चोरटे फरार झाले. मात्र पोलिसांनी स्थानिक ग्रामस्थांच्या मदतीने एकाला ताब्यात घेतले आहे. मात्र तो अल्पवयीन असल्याची माहिती पोलीस तपासातून पुढे आली आहे. तर दोन्ही बाईक पोलीसांनी ताब्यात घेतल्या असून त्या पैकी एक बाईक संगमेश्वर येथील चोरीला गेल्याचे निष्पन्न झाले आहे.
दुचाकी चोरीची घटना घडताच घाट परीसरात चार ठिकाणी पोलीस पथके तैनात ठेवण्यात आली होती. रविवारी दिवसभर सुमारे तीस पोलीसांची कूमक येरडव, अनुस्कुरा परीसरात फरार असलेल्या अन्य दोघांचा शोध घेत होती.
दोन बाईक वरून तीन अनोळखी तरुण ओणी मध्ये आले होते व तेथे त्यांनी पिस्तूल सारख्या दिसणाऱ्या लाईटरने ओणी मधील दोघांना धमकवण्याचा प्रयत्न केला होता. त्यानंतर घडलेल्या प्रकाराची माहिती राजापुर पोलीसांना देण्यात आली होती. जिल्हा पोलीस अधीक्षक धनंजय कुलकर्णी यांना देखील त्याची कल्पना देण्यात आली. दरम्यान ओणी वरून अनुस्कुरा घाटाच्या दिशेने दोन बाईक वरून ते तिघेजण निघाले होते. मात्र अनुस्कुरा येथील चेकपोस्ट येथे वर्दिवर असलेले पोलीस पाहून ते हबकले आणी त्यांनी येरडवच्या दिशेने पला यन केले. वाटेतच दोन्ही बाईक टाकुन ते आजूबाजूला असलेल्या जंगलात जाऊन लपले. दरम्यान जिल्हा पोलीस अधीक्षक कुलकर्णी यांच्या मार्गदर्शना खाली सूत्रे हलली. मोठा पोलीस फौजफाटा घाट परीसरात वाढविण्यात आला. स्वतः पोलीस अधीक्षक धनंजय कुलकर्णी घटनास्थळी दाखल झाले होते. स्थानिक ग्रामस्थ सुद्धा मदतीसाठी धावून आले. सर्वांनी येरडव परीसरासह अनुस्कुरा घाटाचा परीसर पिंजून काढायला सुरुवात केली. पळालेल्या त्या तिघांचा शोध सुरु होता. दरम्यान पोलीसांच्या तावडीत एकजण सापडला. पोलीसांनी त्याला ताब्यात घेतले असून तो अल्पवयीन असल्याची माहिती पोलीसांनी दिली. अन्य दोघे फरार होते. रात्रभर पोलीसांची चार पथके कसून शोध घेत होते. बाईक वरून आलेले तिघेही जण पारनेर जिल्हा अहमद नगर मधील असल्याचे तपासात पुढे आले आहे.
चौकशी दरम्यान फरार असलेल्या अन्य दोघांमध्ये दीपक श्रीमंदीलकर, अजय घेगडे अशी त्यांची नावे असल्याचे समजले. त्यांनी होंडा युनिकॉन, व के टी एम डुक या दोन बाईक चोरून पुण्याच्या दिशेने चालले होतें. दोन्ही गाड्यांवर नंबर प्लेट नव्हती. दोन, तीन दिवसांपूर्वी संगमेश्वर तालुक्यातुन एक बाईक चोरीला गेली होती. ती गाडी त्या तिघांकडे आढळून आली. संगमेश्वर तालुक्यातील सुनील भार्गव सुर्वे यांची गाडी कुरधुंडा येथून १६ मेला चोरीला गेली होती. पोलीसांनी ताब्यात घेतलेल्या दोन गाड्यामध्ये चोरीला गेलेली ती गाडी आढळून आली आहे. सापडलेल्या दोन्ही गाड्या पोलीसांनी ताब्यात घेतल्या आहेत.
शनिवारी रात्रभर येरडवच्या जंगल परीसरांत पोलीस शोध घेत होते. रविवारी सकाळ पासून शोधमोहिम सुरु होती. राजापूरचे पोलीस न्रिीक्षक राजाराम चव्हाण व त्यांची टीम शोध घेत होती. रविवारी सकाळी फरार असलेले अन्य दोघे संशयित येरडवच्या जंगल परीसरांत काहीनी पाहिले होते. मात्र नंतर ते फरार झाले होते.
