रत्नागिरी:-तालुक्यातील टेंभ्ये येथे दारुच्या नशेत बंद घरात अतिक्रमण करुन नुकसान केल्याप्रकरणी एकाविरोधात ग्रामीण पोलिस ठाण्यात गुन्हा दाखल करण्यात आला आहे.ही घटना २८ मार्च रोजी रात्री ९.३० वा.घडली आहे.
करण गोरख ऐर (सध्या रा.टेंभ्ये,रत्नागिरी मुळ रा.नेपाळ) असे गुन्हा दाखल करण्यात आलेल्या संशयिताचे नाव आहे.त्याच्याविरोधात अभिनय रविंद्र साळवी (४६ रा.टेंभ्ये,रत्नागिरी) यांनी पोलिसांकडे तक्रार दिली आहे.त्यानुसार,२८ मार्च रोजी करण ऐरने दारुच्या नशेत सावळी यांच्या बंद घरात अतिक्रमण करत मुख्य दरवाजचे ग्रील वाकवून तसेच मुख्य दरवाजा व बाथरुमचा दरवाजा तोडून नुकसान केले.याप्रकरणी अधिक तपास पोलिस हेड काँस्टेबल सावंत करत आहेत.
