दापोली:- पोलीसांची विविध ठिकाणी छापेमारी करून 16 अनधिकृत बंदुका ताब्यात घेत्यानं खळबळ माजली आहे. गेल्या काही वर्षांपासून कार्यरत असलेल्या या बंदूक तस्करांच्या मुसक्या आवळण्याचं काम दापोली पोलीसांनी केलं आहे. या प्रकरणी 10 आरोपींना पोलीसांनी अटक केली आहे.
दापोली पोलीस दिलेल्या माहितीनूसार शिवाजी गशनगर भौंजाळी येथील अमित मधूकर रहाटे (वय 28 रा. शिवाजीनगर भौंजाळी, ता.दापोली) याने सिंगल नळीच्या 16 बंदूका विनापरवाना न्हानू पेंडूरकर (रा.पेंडूर, ता. कुडाळ, जि. सिंधुदुर्ग) याच्याकडून खरेदी केल्या होत्या. त्या बंदूका त्याने विविध भागातील व्यक्तींना विकल्या. याचा संपूर्ण छडाच दापोली पोलीसांनी लावला आहे.
या व्यवहारातील बंदूका त्याने समीर मोगरे (रा. पोयनार, ता.खेड) याला विकलेली होती. त्याने ती बंदूक गणेश चंद्रकांत चोरगे (रा. नवशी, तांबडवाडी, ता. दापोली, जि. रत्नागिरी) याला दोन वर्षापूर्वी विक्री केली होती. तसेच सौरभ राजेंद्र म्हसकर (रा. मौजे दापोली) याला 2 सिंगल बॅरलच्या बंदूका विकलेल्या होत्या तसेच अभिषेक सुधाकर जाधव (रा. जालगाव, श्रीरामनगर, दापोली) याला 3 सिंगल बोअर बंदूका काही महिन्यांपूर्वी विक्री केलेनंतर पैकी त्याने 1 सिंगल बोअर बंदूक सौरभ सुरेश धवाली (रा. जालगाव) याला शिकारीसाठी दिली तर 1 सिंगल बोअर बंदूक आकाश रेळेकर (रा. दापोली बाजारपेठ) याला विक्री केलेली आहे. तसेच समीर सत्यवान मोगरे (रा. पोयनार, ता. खेड) याला काही महिन्यांपूर्वी 1 सिंगल बोअर बंदूक विक्री केली होती ती त्याने गणेश चंद्रकांत चोरगे (रा. नवशी, ता. दापोली) याला शिकारीसाठी दिलेली होती व तो त्यासाठी वापरत होता. तसेच 2 सिंगल बोअर बंदूका सुमीत बाळकृष्ण शिगवण (रा. मौजे दापोली) याला काही महिन्यांपूर्वी विक्री केल्या होत्या त्यापैकी 1 सिंगल बोअर बंदूक विनोद बैकर याला शिकारासाठी व 1 सिंगल बोअरची 1 बंदुक मनिष भोसले (रा. साकुर्डे) याला विकल्या होत्या. तसेच आकाश रेळेकर (रा. दापोली बाजारपेठ) व आशिष मोहिते (रा. जालगाव) याला प्रत्येकी 1 सिंगल बोअर बंदूक विक्री केली होती. तसेच विजय नथुराम आंबेडे (रा. मौजे दापोली) याला 1 सिंगल बोअर बंदूक विक्री केली होती तसेच अनंत धोडू मोहिते (रा. कोळबांद्रे) याला 1 सिंगल बोअर बंदूक काही महिन्यापूर्वी विक्री केली ती त्याने त्याचे ओळखीचा प्रशांत प्रकार पवार (रा. माथेगुजर) याला शिकरीकरीता दिली होती. तसेच राजाराम ऊर्फ राजू काशिराम भुवड, (रा. गिम्हवणे यास) 1 सिंगल बोअर बंदूक विक्री केली आहे. असुन त्यापैकी 4 बंदुका पुन्हा अमित मधुकर रहाटे (वय 28 रा. शिवाजीनगर भौजाळी, ता. दापोली) याचेकडे दिल्या होत्या. त्या त्याने आपले घरात मोडतोड करुन सुट्टे भाग करून लाकडी बट जाळुन पुरावा नष्ट केलेला असल्याने वरील आरोपीत यांनी एकमेकाचे संगनमताने व सहाय्याने सदरच्या बंदुका या गैरकायदा असल्याचे माहित असतांना आपले जवळ बाळगले असल्याने वरील प्रमाणे गुन्हे दाखल करुन गुन्ह्यातील आरोपी
अमित मधुकर रहाटे (रा. भोगाळी दापोली), सौरभ राजेंद्र म्हद्रसकर (रा. मौजे दापोली), अभिषेक सुधाकर जाधव (रा.जालगाव), सौरभ सुरेश घवाळी (रा.जालगाव लष्करवाडी), विजय नथुराम आंबेडे (रा. मौजे दापोली), नरेश केशव साळवी (रा. करंजाणी दापोली), विश्वास वसंत कानसे (रा. मौजे दापोली), निलेश विलास काताळकर (रा.खेडी दापोली), प्रशांत प्रकाश पवार (रा. माथेगुजर), अनंत धोंडु मोहिते (रा. कोळबांद्रे) दापोली यांना दापोली पोलीसांनी अटक केली आहे.
या कारवाईमध्ये पोलीस निरीक्षक राजेंद्र पाटील, पोलीस उपनिरीक्षक निनाद कांबळे व टिमने छापा घालून आरोपींना ताब्यात घेतलं. या गुन्हयाचा तपास पोउनि निनाद कांबळे हे करीत आहेत. बंदुका व आरोपी यास ताब्यात घेणे कामी पोलीस निरीक्षक राजेंद्र पाटील आणि त्यांच्या टीमनं उत्तम कामगारी केली. याचा तपास सपोनि / पुजा बक्षी या करीत आहेत. भारतीय हत्यार अधिनियम कलम 3/25(3) अंतर्गत गुन्हा दाखल करून या प्रकरणी आणखी कोणा कोणाचा हात आहे याचा पोलीस तपास करत आहेत.
