त्यापूर्वीच्या 137 अशा एकूण 388 पॉझिटिव्ह रुग्णांची नोंद
रत्नागिरी:- जिल्ह्यात मागील 24 तासात 251 कोरोनाबाधित सापडले आहेत तर त्यापूर्वीचे 137 असे एकूण 388 पॉझिटिव्ह रुग्णसंख्येची आज नोंद झाली आहे. नव्याने सापडलेल्या रुग्णांमध्ये आरटीपीसीआर चाचणी केलेल्या 65 तर अँटीजेन चाचणी केलेल्या 186 तर यापूर्वीच्या 137 जणांचा अहवाल पॉझिटिव्ह आला आहे. आज जिल्ह्यात तब्बल 5 हजार 395 कोरोना चाचण्या करण्यात आल्या त्यापैकी केवळ 251 पॉझिटिव्ह आढळून आले आहेत. आजचा पॉझिटिव्हिटी रेट 4.65 टक्क्यांवर आला असून कोरोना बाधितांची संख्या वाढून 47 हजार 551 इतकी झाली आहे.
जिल्ह्यात 24 तासात 8 तर त्यापूर्वीचे 8 अशा 16 मृत्यूची नोंद करण्यात आली आहे. जिल्ह्यात आतापर्यंत 1 हजार 623 मृत्यू झाले आहेत. जिल्ह्याचा मृत्यूदर 3.42 टक्के आहे. जिल्ह्यात सर्वाधिक मृत्यू रत्नागिरी तालुक्यात आज 8 तर आतापर्यंत 485 , चिपळूण 306, संगमेश्वर तालुक्यात 186, खेड तालुक्यात 160 मृत्यू झाले आहेत. सर्वात कमी मृत्यू मंडणगड तालुक्यात केवळ 13 झाले आहेत.
जिल्ह्यात गेल्या गुरुवारी 538, शुक्रवारी 683, शनिवारी 426, रविवारी 484, सोमवारी 488, मंगळवारी 655, बुधवारी 623, गुरुवारी 493 तर शुक्रवारी 440 रुग्ण सापडले होते. नव्याने 594 रुग्ण सापडले असून यापैकी आरटीपीसीआर चाचणी केलेल्या 2 हजार 157 पैकी 65 जणांचा अहवाल पॉझिटिव्ह आला आहे. तर अँटीजेन टेस्ट केलेल्या 3 हजार 238 पैकी 186 जणांचा अहवाल पॉझिटिव्ह आला आहे. जिल्ह्यात आतापर्यंत 47 हजार 451 पॉझिटिव्ह रुग्ण सापडले आहेत. 24 तासात 5 हजार 395 चाचण्या करण्यात आल्या असून यापैकी 251 जण पॉझिटिव्ह सापडले आहेत.
