रत्नागिरी:-जिल्ह्यात मागील 24 तासात 213 पॉझिटिव्ह रुग्ण सापडले आहेत. या कालावधीत 11 जणांचा मृत्यू झाला आहे. 11 जणांच्या मृत्यूमुळे जिल्ह्यात कोरोना बाधित मृतांचा आकडा 1 हजार 955 इतका झाला आहे.
नव्याने 213 पॉझिटिव्ह रुग्ण सापडल्याने जिल्ह्यात आतापर्यंत 68 हजार 969 रुग्ण सापडले आहेत. सापडलेल्या 213 रुग्णांपैकी आरटीपीसीआर चाचणी केलेले 110 तर अँटीजेन चाचणी केलेले 123 पॉझिटिव्ह रुग्ण आहेत.
24 तासात 238 रुग्ण उपचाराअंती बरे झाले आहेत. आता पर्यंत 63 हजार 824 रुग्ण कोरोनामुक्त झाले आहेत. सद्यस्थितीत 3 हजार 183 रुग्ण उपचार घेत आहेत.
