रत्नागिरी:- जिल्ह्यात मागील 24 तासात जिल्ह्यात 138 नवे पॉझिटिव्ह रुग्ण सापडले आहेत. सापडलेल्या 138 पैकी 98 रुग्ण आरटीपीसीआर चाचणी केलेले तर 40 रुग्ण अँटीजेन टेस्ट केलेले आहेत. मागील चोवीस तासात दोन रुग्णांचा मृत्यू झाला आहे. तर आज तब्बल 58 जण कोरोनामुक्त झाले आहेत.
पॉझिटिव्ह रुग्णांचा वाढता आकडा चिंताजनक असून सोमवारी जिल्ह्यात 138 नव्या रुग्णांची भर पडली. सोमवारी जिल्ह्यत 132 पॉझिटिव्ह रुग्ण सापडले होते. आता जिल्ह्यातील पॉझिटिव्ह रुग्णांची संख्या आता 11 हजार 708 वर जाऊन पोहचली आहे. मंगळवारी आलेल्या अहवालात 98 रुग्ण आरटीपीसीआर चाचणीत तर 40 रुग्ण अ‍ॅन्टीजेन चाचणीत पॉझिटिव्ह सापडले आहेत. आज 300 जणांचे कोरोना अहवाल निगेटिव्ह आले आहेत तर आतापर्यंत एकूण 103213 अहवाल निगेटिव्ह आले आहेत.
चोवीस तासात 58 रुग्ण बरे झाले असून आतापर्यंत 10 हजार 468 जण कोरोनामुक्त झाले आहेत. जिल्ह्यात कोरोना रिकव्हरी रेट 89.41 टक्के आहे. मागील चोवीस तासात जिल्ह्यात कोरोनाने 2 रुग्णांचा बळी गेला असूूून जिल्ह्यात कोरोना बळींची संख्या 382 इतकी आहे. जिल्ह्यात मृत्यूचे प्रमाण 3.26 % आहे.
जिल्ह्यातील आज सापडलेल्या 138 पॉझिटिव्ह रुग्णांमध्ये रत्नागिरी तालुक्यातील 32, दापोली 8, खेड 13, गुहागर 41, चिपळूण 42, आणि लांजा तालुक्यात 2 रुग्ण सापडले आहेत. जिल्ह्यात कोरोना संक्रमित होण्याचे प्रमाण 10.19% आहे.
