रत्नागिरी:- जिल्ह्यात 24 तासात 1 हजार 567 अहवालांमध्ये तब्बल 224 पॉझिटिव्ह रुग्ण सापडले आहेत. जिल्ह्यात कोरोना उपचारखाली असलेल्या तीन जणांचा मृत्यू झाल्याची नोंद करण्यात आली असून तीन पैकी 2 मृत्यू 24 तासातील आहेत.
जिल्ह्यात 24 तासात 197 रुग्ण कोरोनामुक्त झाले आहेत. आतापर्यंत 78 हजार 582 रुग्ण उपचाराअंती बरे झाले आहेत. जिल्ह्यात कोरोनामुक्तीचे प्रमाण 95.39 टक्के आहे. नव्याने 224 पॉझिटिव्ह रुग्ण सापडल्याने एकूण बाधित रुग्णसंख्या 82 हजार 379 इतकी झाली आहे.
नव्याने तीन मृत्यूची नोंद करण्यात आल्याने आतापर्यंत 2 हजार 498 जणांचा कोरोनाने मृत्यू झाला आहे. जिल्ह्याचा मृत्युदर 3.3 टक्के आहे. जिल्ह्यात गृह विलीगिकरणात 1 हजार 17 तर संस्थात्मक विलीगिकरणात 282 रुग्ण उपचार घेत आहेत.
