चिपळूण:- तालुक्यातील वैजी-भोम मार्गावरील वैजी- भडवळकरवाडी परिसरात रिक्षा व दुचाकी यांच्यात अपघात झाल्याची घटना सोमवारी सकाळी ९.३५ च्या सुमारास घडली. यात गंभीर जखमी झालेल्या तरुणाचा मृत्यू झाला असून अन्य एक तरुण जखमी झाला आहे. या अपघातानंतर ॲपे रिक्षा चालकाने येथून पलायन केले. या प्रकरणी त्याच्यावर गुन्हा दाखल करण्यात आला आहे.
प्रितम मोहिते (२१) असे मृत्यू झालेल्या दुचाकी चालकाचे, तर प्रथमेश मंगेश मोहिते असे जखमी झालेल्या तरुणाचे (२२, दोघेही वैजी) नाव आहे. या बाबतची फिर्याद प्रथमेश याने दिली असून त्यानुसार ॲपे रिक्षाचालक (नाव-गाव माहिती नाही) गुन्हा दाखल झाला आहे.
पोलिसांनी दिलेल्या माहितीनुसार प्रथमेश आणि प्रीतम हर दोघे दुचाकीने वैजी भोम मार्गाने जात होते. ते वैजी भडवळवाडी येथे आले असता रिक्षा चालकाने त्यांच्या दुचाकीला समोरून धडक दिली. या अपघातात प्रथमेश व प्रीतम हे गंभीर जखमी झाले. अपघातानंतर रिक्षा चालक फरार झाला होता. अपघातातील जखमिना उपचारासाठी दाखल करण्यात आले होते. मात्र उपचार सुरू असतानाच प्रीतम याचा मृत्यू झाला. याप्रकरणी रिक्षा चालकावर गुन्हा दाखल करण्यात आला आहे.
