रत्नागिरी:-शहरानजीकच्या आंबेशेत येथे तरुणाने अज्ञात कारणातून गळफास घेत आत्महत्या केली. याप्रकरणी शहर पोलीस ठाण्यात आकस्मिक मृत्यूची नोंद करण्यात आली आहे. ही घटना शनिवारी सकाळी 9.30 वा. सुमारास उघडकीस आली.
संतोष सुरेश नागवेकर (45, रा. कुवारबाव, रत्नागिरी) असे गळफास घेतलेल्या तरुणाचे नाव आहे.याबाबत पोलीस पाटील उदय मधुसूदन लिमये यांनी शहर पोलिसांना खबर दिली. त्यानुसार शनिवारी सकाळी त्यांना संतोष आंबेशेत येथील एका झाडाला दोरीने गळफास घेतलेल्या अवस्थेत दिसून आला. याप्रकरणी अधिक तपास हेड कॉन्स्टेबल जितेंद्र पालांडे करत आहेत.
