रत्नागिरी:- मोबाईलसाठी घेतलेल्या ऑनलाईन कर्जासाठी जादा पैसे भरण्यास नकार दिला.याकारणातून तरुणाचा फोटो एडिट करुन बदनामीकारक मजकूर टाईपकरत बदनामी केल्याप्रकरणी अज्ञाताविरोधात ग्रामीण पोलिस ठाण्यात गुन्हा दाखल करण्यात आला आहे.ही घटना सोमवार 11 जुलै रोजी सकाळी 9.32 वा. पाली येथे घडली आहे.
याबाबत सम्राट सहदेव गवळी (22,मुळ रा.लांजा सध्या रा.पाली,रत्नागिरी) यांनी ग्रामीण पोलिस ठाण्यात तक्रार दिली आहे.त्यानूसार,नवीन मोबाईल घेण्यासाठी त्याने प्लेस्टोअरवरुन कॅश वर्ल्ड ऑनलाईन लोन अ‍ॅप डाउनलोड केले होते.त्यावरुन 2 हजार 277 रुपये लोन घेउन त्या लोनचे 7 दिवसांनंतर 3 हजार 796 रुपये भरावे लागणार होते.त्याप्रमाणे सम्राट गवळीने लोन घेउन 7 दिवसानंतर पैसे भरलेही होते.परंतू पैसे भरुनही त्याच्याकडे जास्तीच्या पैशांची मागणी करण्यात आली होती.तेव्हा त्याने पैसे भरण्यास नकार दिल्यावर अज्ञाताने त्यांना फोन करुन तू अ‍ॅप लाउनलोड करतेवेळी आम्हाला मिडिया परमिशन दिलेली आहे असे सांगितले.तसेच मोबाईल गॅलरीमध्ये असेलेला सम्राट गवळीचा फोटा एडीट करुन त्यावर बदनामीकारण मजकूर टाईपकरुन त्याची बदनामी केली.याप्रकरणी अधिक तपास ग्रामीण पोलिस करत आहेत.
