रत्नागिरी:- दिवसेंदिवस सर्व आर्थिक व्यवहारांचे डीजिटलायलेझन होत असून यामध्ये आता एसटीने देखील पर्दापण करण्याचा निर्णय घेतला आहे. ज्यांना फोन पे व्दारे तिकिटाचे पैसे द्यायचे आहे त्यांनी क्युआर कोड स्कॅन करुन गुगल पे, फोन पे करता येणार आहे. त्यासाठी या महिन्यात सर्वप्रथम एसटीची तिकिट मशिनन्स बदलण्यात येणार आहेत. यामध्ये कोड स्कॅन अपडेट करुन घेण्यात येणार असून या महिना अखेरपर्यंत एकाचवेळी ही सेवा महाराष्ट्रात उपलब्ध होणार असल्याची माहिती एसटी महामंडळाकडून देण्यात आली आहे.
बदलत्या काळानुसार लाल परी अर्थात एसटी महामंडळ प्रवाशांना आधुनिक सेवा देण्याचा प्रयत्न करत आहे. शिवशाही नंतर इलेक्ट्रीक बसेस महाराष्ट्रात दाखल झाल्या आहेत. आता संपूर्ण जग हे गुगल पे, फोन पे यावर आर्थिक व्यवहार करताना दिसत आहे. कॅशलेस पेमेंट अधिक महत्व प्राप्त होत अगदी दहा रुपयाची वस्तू घेतली तरी लोक स्कॅन करुन पे करतात. ही बदलती गरज लक्षात घेऊन एसटीनेही नागरिकांना कॅशलेस तिकिट पेमेंट करण्याचा निर्णय घेतला असून ऑगस्ट अखेरपर्यंत सध्या असलेल्या तिकिट मशिनमध्ये बदल करण्यात येणार आहे.
क्यूआकोड स्कॅन करुन तिकिटाचे पैसे देता येणार आहे. आधी ही सिस्टीम अपडेट करुन घेण्यात येणार असून त्यानंतर ही अंमलबजावणी सुरु होईल, रत्नागिरी विभागाचाही समावेश आहे. आतापर्यंत प्रवाशांना ई तिकिट दिले जात होते आता पेमेंटही ई सेवा प्रणालीव्दारे होणार आहे.
गणेशोत्सवाआधी या सेवेचा शुभारंभ होण्याची शक्यता असून चाकरमान्यांना एक नवी सेवा महामंडळाकडून मिळेल.
