रत्नागिरी:- शहरानजीकच्या एमआयडीसी येथील ऑटोसिटी कार वॉश डिटेलिंग दुकानातून अज्ञाताने रोख २ हजार ५०० रुपये चोरुन नेले. चोरट्या विरुद्ध ग्रामीण पोलिस ठाण्यात गुन्हा दाखल करण्यात आला आहे. ही घटना रविवारी (ता. ९) रात्री आठ ते मंगळवारी (ता. ११) सकाळी आठ या कालावधीत घडली आहे.
या प्रकरणी गौरव संजय नलावडे (२७, रा. गयाळवाडी, रत्नागिरी) यांनी ग्रामीण पोलिस ठाण्यात तक्रार दिली आहे. त्यानुसार, त्यांचे एमआयडीसी येथे वॉशिंग सेंटर असून अज्ञाताने त्यांच्या दुकानातून रोख २ हजार ५०० रुपये लांबवले. याप्रकरणी अधिक तपास ग्रामीण पोलिस करत आहेत.
