रत्नागिरी:- जिल्ह्यात कोरोनाचा प्रादुर्भाव दिवसेंदिवस वाढतच आहे. बुधवारी जिल्ह्यात रुग्णसंख्येचा विस्फोट झाल्याचे चित्र आहे. आलेल्या अहवालानुसार जिल्ह्यात कोरोना बाधित रुग्णसंख्येत पुन्हा लक्षणीय वाढ झाली आहे. मागील 24 तासात जिल्ह्यात 791 पॉझिटिव्ह रुग्ण सापडले आहेत. यातील 601 रुग्ण आरटीपीसीआर चाचणी केलेले तर 190 रुग्ण अँटीजेन चाचणी केलेले आहेत. 791 नवेे रुग्ण सापडल्याने जिल्ह्यातील कोरोना बाधित रुग्णसंख्या 21 हजार 069 झाली आहे. मागील चोवीस तासात जिल्ह्यात कोरोनाने तब्बल 13 रुग्णांचा मृत्यू झाला आहे.
आतापर्यंतचे सर्वाधिक पॉझिटिव्ह रुग्ण जिल्ह्यात सापडू लागले आहेत. नव्याने आलेल्या आकडेवारीने बाधित रुग्णांचा उच्चांक गाठला आहे. नव्याने 791 जणांना कोरोनाची लागण झाली आहे.यात 601 रुग्ण आरटीपीसीआर चाचणी केलेले तर 190 रुग्ण अँटीजेन चाचणी केलेले आहेत. जिल्ह्यातील पॉझिटिव्ह रुग्णांची संख्या आता 21 हजार 069 जाऊन पोहचली आहे.
मागील चोवीस तासात जिल्ह्यात कोरोनाने तब्बल 13 रुग्णांचा बळी गेला असूूून जिल्ह्यात कोरोना बळींची संख्या 619 इतकी आहे. जिल्ह्यात मृत्यूचे प्रमाण 2.93 % आहे. आज जिल्ह्यात 204 जण कोरोनामुक्त झाले असून आतापर्यंत एकूण 13865 जण कोरोनामुक्त झाले आहेत. कोरोना रिकव्हरी रेट 65.79 टक्के आहे. आज 1707 कोरोना अहवाल निगेटिव्ह आले असून आतापर्यंत 1,25,092 अहवाल निगेटिव्ह आले आहेत.
जिल्ह्यातील आज सापडलेल्या 791 पॉझिटिव्ह रुग्णांमध्ये रत्नागिरी तालुक्यातील 237, दापोली 38, खेड 109, गुहागर 80, चिपळूण 189, संगमेश्वर 43, मंडणगड 2, राजापूर 39 आणि लांजा तालुक्यात 54 रुग्ण सापडले आहेत. जिल्ह्यात कोरोना संक्रमित होण्याचे प्रमाण 14.41% आहे.
