रत्नागिरी:- मागील चोवीस तासात तब्बल 21 जणांना कोरोनाची लागण झाली आहे. यामध्ये मंडणगड तालुक्यातील सर्वाधिक 10 पॉझिटिव्ह रुग्णांचा समावेश आहे. तर 286 जणांचे अहवाल निगेटिव्ह आले आहेत. मागील चोवीस तासात एकाही रुग्णाचा उपचारा दरम्यान मृत्यू झालेला नाही.
दिवाळीनंतर कोरोना बाधित रुग्णांच्या संख्येत लक्षणीय वाढ झाली आहे. नव्याने 21 रुग्ण सापडल्याने जिल्ह्यात आतापर्यंत 8 हजार 710 पॉझिटिव्ह रुग्ण सापडले आहेत. मागील चोवीस तासात 286 जणांचा अहवाल निगेटिव्ह आला आहे. आता पर्यंत 53 हजार 979 जणांचा अहवाल निगेटिव्ह आला आहे.
चोवीस तासात 3 रुग्ण बरे झाले असून आता पर्यंत 8 हजार 209 जण कोरोनामुक्त झाले आहेत. मागील चोवीस तासात जिल्ह्यात कोरोनाने एकाही रुग्णाचा मृत्यू झालेला नाही. जिल्ह्यात कोरोना बळींची संख्या 319 असून जिल्ह्यात रिकव्हरी रेट 94.24 टक्के आहे.
