रत्नागिरी:- कोकण रेल्वेच्या एर्नाकुलम होक्का एक्स्प्रसने प्रवास करणाऱ्या प्रवाशाची लॅपटॉप असलेली बॅग अज्ञात चोरट्याने पळविली. शहर पोलिस ठाण्यात संशयिताविरुद्ध गुन्हा दाखल करण्यात आला आहे.
ही घटना शनिवारी (ता. ११) सायंकाळी सव्वाचारच्या सुमारास रत्नागिरी रेल्वेस्टेशन दरम्यान घडली. पोलिसांनी दिलेल्या माहितीनुसार फिर्यादी मॅजेश मोहनन पोडियाडा हे त्रिशुर केरला येथून एर्नाकुलम होक्का एक्सप्रेसने केरळ ते पनवेल असा प्रवास करत होते. रत्नागिरी रेल्वेस्टेशन येथे आली असता अज्ञाताने त्यांची १५ हजार रुपये किंमतीची लॅपटॉप असलेली बॅग लांबविली. या प्रकरणी प्रवासी पोडियाडा यांनी शहर पोलिस ठाण्यात तक्रार दिली. तक्रारीवरुन पोलिसांनी अज्ञात चोरट्याविरुद्ध गुन्हा दाखल केला आहे. अधिक तपास शहर पोलिस अमंलदार करत आहेत.
